Jeder Basler meint er heb viel meeh Humor,

doch d'Basler Fasnacht chunnt üs cheibä komisch voor.

Mier Brunner chönnt's halt einfach nid so rächt begriffä,

wie meh so Freud cha haa am Trummlä und am Pfiffä! 

Jede Welschi meint er sig en flöttä Maa,

nur wägem Axcent und dem ganzä drum und draa.

Doch wäge demm wird's üs nu lang nid Angscht und bang,

ä so viel Charme wie dä hend d'Brunner de nu lang.

Refrain:

Brünnä isch ä schöni Stadt, z'Brunnä isch es schampaar glatt.

Zwar isch de See da unnä grau, dafür sind d'Brunner hienta blau.

Doch d'Hauptsach isch dass jedä Brunner weiss ...

Poliziistund isch nu immer am halbi Eis.

(Poliziistund isch nu immer, Poliziistund isch nu immer,

Poliziistund isch nu immer  am halbi Eis!)

Jedä Bärner meint er sig üs obenuus,

nur wägem Bärägrabä und em Bundeshuus.

Doch wenn bi üs denn wieder d'Fasnachtsziit afahd,

regiert de Bartlivater und nid dä Bundesrat!

Variante Katzenmusik Desi-Stammtisch vom 08.03.1996 (Tschippli Hackl)